الحب كحرته

محمد عبد الظاهر · موضوع: الحب كحرته الأربعاء أغسطس 27, 2008 10:59 pm

تبدا الاحداث من يوم غير عادى فى حياة بطلتنا...اخيرا حد قرر انه يضحى ويتقدملها...صفاء ماكنتش مصدقه نفسها طبعا...وعماله رايحه جايه فى الشقه وهى تغنى الاغنيه الشهيره للمطربه فتحيه خناقات (اخيرا حد عبرنى وفكر انه يتجوزنى)..وكان لابد من تقديم بعض التنازلات الصعبه على نفس صفاء...فقررت انها تاخد دش (سريع..يعنى مفيش داعى للشامبو والصابون والكلام ده كله) وهى تقول فى نفسها رغم انى لسا مستحميا من شهرين..بس يالا كله يهون عشان العريس...ويعينى امها من كتر فرحتها اشترت صالون وانتريه جداد..عشان البرستيج برضه..(ربنا يكرمك يا حاجه وتزحلقيها بقه) وخرجت صفاء من الحمام بعد الدش المعتبر وبدات تختار الحته (الزفره) اللى هتقابل بيها الضحيه...قصدى العريس.وتظبط نفسها وتبقى اخر الاجه(على سنجه عشره يعنى)..لحظات ودخلت الحاجه عليها الاوضه قائله:يا صفااااء..انت يا مغلابانى بتعملى ايه؟...وما ان نظرت اليها- بعد التعديل- حتى صاحت:ايه ده انت مين؟..فقالت صفاء باستغراب!..:ايه يا ماما انا صفاء..فقاطعتها الحاجه:لا لا بنتى ماكنتش نضيفه وحلوه كده..فقالت صفاء فى غضب:ايه يا ماما فيه ايه؟ انت كده بتهزيقينى على فكره!..فقالت لها :اصلى يا بنتى مش مصدقه...بس ما شاء الله بقيتى قمر ولا النايل سات.فابتسمت صفاء وهى مبحلقه فى المرايه..ايوه كده ارفعى من روحى المعدنيه..فقالت لها الحاجه:طب يالا بقه خلصى عشان الناس زمانهم جايين..فاجابت صفاء :حاضر ثوانى وهخلص..وبعد ساعه من الجلوس امام المرايه..انهت صفاء اللمسات الاخيره ..وفجاه !صاحت صفاء صيحتها المشهوره(لا تقولى طرزان ولاغيره..):المسلسااااااااال..(كادت صفاء انها تنسى معاد المسلسل المفضل :لن اعيش فى ترنج ابى)...وبالفعل جلست صفاء تتابع الاحداث باهتمام شديد..(بتسلى نفسها لحد ما الباشا ييجى)..المهم..دقايق وكان جرس الباب بيرن:فقالت فى نفسها:يوووووووه دا ايه الرزاله دى..مش قادرين يستنوا لما الحلقه تخلص..واغلقت صفاء التلفزيون على (مضض)..وشاورت لاخوها الصغير قائله:قوم يا حماده افتح الباب:فنظر اليها بقرف:وما تقوميش انت ليه؟..على راسك ريشه..فتابعت قائله:يا بنى يا حبيبى بطل لماضه وغتاته وانجز..فقال لها:طب عشان الكلمتين دول مش قايم بقه..وهنا نشبت خناقه عنيفه بين صفاء واخوها وبدا تبادل الضرب..شلاليت ممكن...بالقفا كتيييير..بعصيان المقشات (فاكرين نفسهم بيلعبوا استريت فايتر)..وهنا خرجت الحاجه من المطبخ قائله :انتى مش هتبطلى تعملى عقلك بعقله..اجرى افتحى ياللا انتى هتسيبى الناس واقفين على الباب كده..وفتحت صفاء الباب وهى باصه فى الارض(قال يعنى بتتكسف..)ففوجئت بصوت عذب يقول: فيه مكوة..فرفعت صفاء راسها وهى( بتجز على سنانها) من الغيظ قائله:لا مفيش...ولكنها سرعان مااغلقت الباب فى سعاده غامره وهى تقول:هيييييه اروح بقه اكمل المسلسل...وشويه ورن جرس الباب تانى فذهبت صفاء الى الباب( ووشها فى الارض برضه)...:اللبن الطازة من الجاموسه لبقك على طول(طلع عم جمعه بتاع اللبن..)فقالت صفاء وهى تستشيط غضبا:امشى ياض من هنا مبنشربش لبن احنا...واغلقت الباب..!وباختصار وصل اخيرا العريس سالما:وبدات المباحثات والمداولات من اول القعده...وصفاء وقناوى(دا اسم العريس..اى خدمه) قاعدين يتكلموا مع بعض والظاهر كده فى قبول متبادل من الطرفيين(يا رب تتجوزى يا صفاء يا بنت....(هوه ابوكى اسمه ايه؟)..وشويه وقامت صفاء لتاتى بالمشروبات لزوم الموضوع ..وزى كل البنات وقعت حمص الشام على بنطلون العريس..(نفسى اعرف ايه السر فى الموضوع ده)..فصاح قناوى:انت يا دزمه مش تاخدى بالك..فقالت له صفا:يا نهارك مش فايت انت بتشتمنى...طااااااخ هوت صفاء بالصينيه على راس قناوى..وكاد الموضوع انه يتفشكل لكن ربنا ستر(عشان الحاجه الغلبانه معاها دى)..وتم الموضوع اخيرا على خير...ومن تانى يوم كان قناوى وصفاء مقضينها خروجات و(صياعه) على الكورنيش..وترمس ودره واخر حلاوة..الى ان جاء يوم الخميس.....اتصل قناوى بصفاء:الو ايوه يادمييل ...فردت صفاء :ايوه يا حبيبى...فتابع قناوى:بصى بجه..انا عازمك النهاره على الغدا فى فندق فايف استار...جولت ايه؟فردت صفاء على الفور:طبعا موافقه...دا انا حتى جعانه قوى وما كلتش من امبارح غير حله الرز وطبقين الملوخيه..ونص فرخه للتحليه على الماشى كده..فقال لها قناوى:يا عينى عليك يا بنتى...ليه مجوعينك اجديه؟..انا لازم اكلم (طنط) تهتم باكلك شويه...المهم هجيلك الساعه تنتين اخدك من البيت..ماشى؟فاومات صفاء براسها:ماشى....وبالفعل...قناوى دايما يوفى بوعده فى الميعاد المحدد كان قناوى بيجعر(برومانسيه بالغه) تحت البيت: صفاااااااء ..انزلى يالا بلاش لكاعه....وباختصار وصلوا الفندق..وجت المينو..وبدا صفاء فى رص طلباتها..قائله:ايوه..عايزة اتنين كيلو ممبار..وفرختين على الفحم..و..و...و...ويعينى قناوى قاعد بيشد فى شعره...وصفاء ولا هيه هنا..ولحظات وجه الاكل..وبدات صفاء تنأنأ على مهلها(قال يعنى مش قادره تاكل) وهى فى سعاده غااامرة..اول مرة تاكل فى فندق..كان اخرها عبده تسمم بتاع الكبده اللى على اول شارعهم...المهم خلصت صفاء تقريبا على الاكل لوحدها...بمعنى اخر مسحت الاطباق....وجاءت اللحظه الحاسمه..لحظه دفع الحساب..ونظر قناوى فى الفاتورة وهو لا يستطيع ان يتكلم...بينماا نشغلت صفاء فى شرب العصيير عشان تحبس...وفجاه:سقط قناوى مغمى عليه..فقالت له صفاء:ايه يا حبى مالك انت تقلت فى الاكل ولا ايه؟ونظرت فى الفاتورة...(ودون اى رد فعل) سقطت صفاء جنب قناوى على الارض..وتم نقل قناوى الى المستشفى فى حاله حرجه..بينما تحفظت اداره الفندق على صفاء لحين انتهائها من غسل المواعييين...
ارجو من سيادتكم الرد
كى ازيدكم بالقصص
اخوكم محمد عبد الظاهر

زائر

يا عم داء كلام عوزين عروسة حلو بس مشى بتاكل على طول يا عم بس على العموم اللة يكون فى عون العريس اكيد حلف الطلاق عليها قبل ما يتجوزة داء لو كان صحى ماشى
شكران يا كبي عليك بالمزايد اخوك عيد سليمان يا عم mbc612
معاك مع الاحداث